दलित समाचार » पत्रकार परियार लोहनी स्मृति पुरस्कारद्वारा सम्मानित
|
||
| पत्रकार परियार लोहनी स्मृति पुरस्कारद्वारा सम्मानित
Posted: July 18, 2009  काठमाडौं, - कान्तिपुर टेलिभिजनले स्वर्गीय इन्द्र लोहनी स्मृति पुरस्कारको
स्थापना गर्दै यसवर्ष उक्त पुरस्कार टेलिभिजनका पत्रकार प्रकाशचन्द्र
परियारलाई प्रदान गरेको छ । पुरस्कारमा नगद राशी दश हजार तथा सम्मानपत्र
रहेको छ । टेलिभिजनको छैठौं वाषिर्कोत्सवका अवसरमा आयोजित समारोहमा
टेलिभिजनका प्रबन्ध निर्देशक गणेश अग्रवालले उक्त पुरस्कारको घोषणा गरे ।
उनले दर्शकको चाहना
अनुसार कान्तिपुर टिभीले निरन्तर नयाँ कार्यक्रमहरु ल्याउने प्रतिवद्धता
व्यक्त गरे । विश्व आर्थिक मन्दी तथा मुलुक भित्रको विद्युत संकटका कारण
यसअघिको घोषणा अनुसार थप च्यानल ल्याउन नसकिएको बताउँदै उनले यसवर्षभित्र
थप च्यानल ल्याउने बताए । कार्यक्रममा कान्तिपुर पब्लिकेशन्सका अध्यक्ष तथा टेलिभिजनका
निर्देशक कैलाश सिरोहियाले वाषिर्कोत्सवको अवसरमा शुभकामना दिंदै स्वस्थ्य
मनोरञ्जनात्मक र समाचारमूलक कार्यक्रम प्रस्तुत गर्दै कान्तिपुर टिभीले अझ
उचाई प्राप्त गर्ने विश्वास व्यक्त गरे । विदेशी च्यानलहरुको प्रभाव कम
गर्न कान्तिपुर टिभीले आगामी दिनमा दर्शकको चाहनालाई पूरा गर्दै अघि
बढ्नुपर्ने बताए । वाषिर्कोत्सवको अवसरमा टेलिभिजनले गरेको केटिभी फुटवल प्रतियोगितामा विजयी भएका कान्तिपुर टिभी ए टिम तथा सहभागी अन्य टिमलाई पनि पुरस्कार प्रदान गरिएको थियो । उक्त अवसरमा टेलिभिजनको विभिन्न विभागमा उत्कृष्ट काम गरेका कर्मचारीहरुलाई पनि पुरस्कृत गरिएको थियो । « Go Back |
Supporters / Sponsors :