सीता बि.के.               

बटवल,कार्तिक २३

नवलपरासीको विकट पहाडी क्षेत्रअन्तर्गत पर्ने कोटथर गाविसका दलित महिलाहरु मदिरा नियन्त्रण अभियानमा लागेका छन् । गाविसको वडा नं ४ र ५ का दलित महिलाहरु संगठित भएर मदिरा नियन्त्रण अभियानमा लागेका हुन् ।

 यसरी मदिरा नियन्त्रण गर्न अभियान संचालन गरेपछि कोटथर गाविसमा हाल मदिराको विक्री वितरण तथा सेवनमा समेत ५० प्रतिशतले कमी आएको स्थानीय दलित अगुवा होमबहादुर कामीले बताउनु भयो । महिलाले मदिरा नियन्त्रण अभियान थालेपछि मदिरा पिउनेको संख्यामा कमी आएको छ भने बिक्री वितरणमा समेत कमी आएको उहाँले बताउनुभयो । 

 आफ्नो अभियानमा अरु विभिन्न जातिका युवाहरुले पनि सहयोग गर्ने विश्वास मदिरा नियन्त्रण अभियानकी संयोजक मैना विश्वकर्मा व्यक्त गर्नुभयो ।