सीता बि.के.

ब्ुाटवल, कार्तिक १८

सरकारले उपलब्ध गराउदै आएको अन्तरजातिय प्रोत्साहन रकम चालु आर्थिक बर्षमा रोकिएको छ । दलित र गैरदलित विच विवाह भएको खण्डमा सरकारले एक लाख रुपैया“ प्रोत्साहन स्वरुप उपलब्ध गराउदै आएको थियो । तर यो चालु आर्थिक बर्षको चार महिना वितिसक्दा पनि अन्तरजातिय प्रोत्साहन भत्ताको कार्यक्रमलाई निरन्तरता दिईएको परिपत्र नआएको जिल्ला प्रशाशन कार्यालय रुपन्देहीले जनाएको छ  । प्रशाशनले परिपत्र नआएको जनाएपछि अन्तरजातिय विवाह गरेका जोडीहरु निवेदन दर्ता गरेर मात्रै फर्केका छन् । सरकारले दलित र गैरदलित समुदायका विचमा रहेको विभेदलाई कम गर्न र  विवाहित जोडीहरुलाई प्रोत्साहन गर्न एक लाख रुपैया“ उपलब्ध गराउदै आएको छ । जिल्ला प्रशाशन कार्यालय रुपन्देहीका लेखापाल पर्शुराम पराजुलीले सरकारले अहिलेसम्म कार्यक्रमलाई निरन्तरता नदिएकाले रकम उपलब्ध गराउन नसकेको बताउनुभयो । उहाले पोहोर अलि चाडैनै कार्यक्रमको परिपत्र आएको भएपनि यो बर्ष ढिलाई भएकाले निरन्तरतानै नहुने हो की भन्ने शंका बढेको बताउनुभयो । उहाका अनुसार गत बर्ष ६ जोडीलाई ६ लाख रुपैया प्रोत्साहन भत्ता उपलब्ध गराईएको छ । त्यस्तै गत बर्ष नै निवेदन परेका २ जोडीको भने अझैसम्म पनि रकम आएको छैन । यो बर्ष कार्यक्रम नआएपछि ४÷५ जोडीहरुले निवेदन मात्रै दर्ता गराएका छन् ।