७ भदौ, 

  जाजरकोट । अविरल वर्षासँगै जाजरकोटको भगवती गाविस-३ अवलगुर्तामा गएराति पहिरोले घर भत्काउँदा पुरिएर एकै परिवारका दुई नाबालकसहित तीन जनाको मृत्यु भएको छ ।

   मृत्यु हुनेमा स्थानीय ५६ वर्षीया देउमति दमाई र उनका नातीहरु ६ वर्षीय रेमश र ४ वर्षीय रेशम रहेको प्रहरीले जनाएको छ । देउमतिकै २ वर्षीया छोरी मनीषासहित चार जनालाई पुरिएको अवस्थामा स्थानीयले जिवितै उद्धार गरेका छन् । उनीहरुको स्थानीय स्वास्थ्य संस्थामा उपचार भइरहेको र अवस्था सामान्य रहको बताइएको छ ।

   स्थानीय प्रशासनले पहिरोबाट विस्थापित भएका गाउँलेलाई चामल लगायतका खाद्यान्न उपलव्ध गराउन प्रहरीलाई निर्देशन दिइसकिएको जनाएको छ । घटनास्थल सदरमुकाम मुसिकोटबाट पैदल दुई दिनको दुरीमा पर्छ ।