हरिकृष्ण गौतम
म्याग्दी,मंसिर १५ गते
चेतनाका साथै आर्थिक अभावले शिक्षाबाट बञ्चित भएका म्याग्दीको लुलाङ गाविसका अधिकांस दलित बालबालीका पछिल्लो समय विद्यालय जान थालेका छन् ।

गाउँबाट अधिकांस दलीतहरु बैदेशीक रोजगारीमा जान थालेपछि आर्थिक अभावका कारण विद्यालय जान नसकेका बालबालिका धमाधम विद्यालय जान थालेका हुन् ।

अधिकांस दलित बस्ती रहेको लुलाङको लुलाङ निमाविको स्थापना कालदेखि निकै कम संख्यामा विद्यार्थी हुने गरेको भएपनि अहिले भने विद्यालयको क्षमता भन्दापनि बढि विद्यार्थी विद्यालयमा आउन थालेको विद्यालयले जनाएको छ । विद्यालय र शिक्षाको महत्वका बारेमा जिल्ला शिक्षा कार्यालय म्याग्दीले विभिन्न चेतना मुलका कार्यक्रमका साथै घरपरिवारबाट बैदेशिक रोजगारमा गएकाले पर्याप्त मात्रामा रकम पठाउन थालेपछि विद्यार्थीको चाप बढ्दै गएको हो ।

जिल्लाको सबैभन्दा ठूलो दलित बस्ती रहेको लुलाङमा दलीत विद्यार्थीहरुका लागि २०३२ सालमा स्थापना भएको विद्यालयमा पछिल्ला तीन वर्षेखि विद्यार्थी संख्या बढ्न थालेको हो । गत शैक्षिक सत्रमा २ सय १४ विद्यार्थी रहेकोमा यो बर्ष३ सय पुगेको विद्यालयका प्रधानाध्यापक नागेन्द्र ठाकुरले बताउनुभयो । ७ कक्षा सम्मको पढाइ हुने लुलाङ निम्नमाध्यमिक विद्यालयमा १ जना जनजाति वाहेक अन्य सवै दलित बालबालीका अध्ययन गर्छन् ।

नेपाल सरकारले प्रदान गर्ने दलित छात्रबृत्तिसबै विद्यार्थीलाई ३ सय ५० रुपैयाका दरले प्रदान गर्नुका साथै प्रति विद्यार्थी १ सय ४० रुपैयाका दरले पुस्तक ढुवानी तथा विद्यालय सुधार भनी रकम सहयोग गर्ने गरेको जिल्ला शिक्षा अधिकारी दिलनाथ पुरीले बताउनुभयो । विद्यार्थीलाई आकर्षा गर्नको लािग विभिन्न कार्यक्रम ल्याएको भएपनि अझै २० प्रतिशतभन्दा बढी विद्यालय जाने उमेरका बालबालिका विद्यालय आउन सकेका छैनन् । अहिले विद्यालपयमा दलीत समुदायका श्रीपाली, रर्साईली, कुमाई लगाएतका दलीत विद्यार्थी अध्ययनरत रहेको विद्यालयका शिक्षक जोतेन्द्र पौडेलले बताउनुभयो । विद्यार्थीले शिक्षाका साथै अतिरित्त क्रियाकलापमा समेत आफ्नो इच्छा देखाएपछि विद्यालयले आर्थिक जुटाउने प्रयास गरेको छ ।

Source: Benionline.com.np